आनंददायी वातावरणात शाळा प्रवेशोत्सव दिन साजरा

अर्जुनी/मोर: स्थानिक सरस्वती ज्ञानदीप कॉन्व्हेंट येथे 2024- 25 या शैक्षणिक वर्षाचा शाळा प्रवेशोत्सव दिन चैतन्यमय व आनंददायी उत्साहपूर्ण वातावरणात साजरा झाला. विद्यार्थ्यांच्या स्वागतासाठी जयत तयारी केली होती मुलांना शाळेची गोडी लागावी यासाठी पहिल्या दिवशी त्यांना आवडतील अशा गोष्टी वर्गांमध्ये ठेवण्यात आल्या होत्या फुगे, खाऊ, भेटवस्तू देऊन त्यांचे स्वागत केले. फुलांनी, चित्रांनी, फुग्यांनी सजवलेली शाळा , शाळेच्या गणवेशात रडत असलेले काही विद्यार्थी तर काही कुतूहलाने बघत असलेले विद्यार्थी शिक्षक असे दृश्य शाळेच्या पहिल्या दिवशी बघायला मिळाले विद्यार्थी व शिक्षकांनी शाळेचा पहिला दिवस आनंदाने साजरा केला.
या कार्यक्रमाला उपस्थित शाळेचे समन्वयक भगीरथ गांधी तथा शाळेच्या प्राचार्या शैव्या जैन, पर्यवेक्षिका वंदना शेंडे, ज्ञानेश्वर रोकडे उपस्थित होते.
विद्यार्थी व पाहुण्यांचे हस्ते फीत कापून रीतसर उद्घाटन करून माता सरस्वतीच्या छायाचित्रांचे पूजन व दीपप्रज्वलन करून पुष्पहार अर्पण करण्यात आले.
कार्यक्रमाच्या यशस्वितेसाठी दिपाली दहीवले, हेमलता खूने, ज्योती चुटे, अश्विनी शहारे, उषा नेवारे, वैशाली नंदेश्वर, तसेच परिचर शुभांगी शहारे, पुष्पा शहारे, मनीषा शहारे, शालूना टेंभूर्णे यांनी परिश्रम घेतले