बाराभाटी येथे तलाव फुटला,50 एकर शेती पाण्याखाली

( नुकसानीचे पंचनामे करून शेतक-यांना त्वरीत मदत द्या:- दानेश साखरे )

अर्जुनी मोर :- गेल्या दोन दिवसांपासून तालुक्यात अतिवृष्टीसह जोरदार पाऊस सुरु आहे त्यामुळे तालुक्यातील बाराभाटी येथील तलाव फुटल्याने ५० एकरातील धान पिक असलेल्या शेतात शिरलं पाणी. परिणामी नुकतेच रोवणी झालेलेले भात पिक सडले, शेतकऱ्यांना लाखो रुपयांचे नुकसान झाले आहे.याचा फटका गावातील शेकडो शेतकऱ्यांना पडल असून कुटुंबाचा उदर निर्वाह कसा करावा, बँकेचे कर्ज कसे फेडावे असा प्रश्न शेतकऱ्यांसमोर आहे. शेतकऱ्यांनी आपली व्यथा राष्ट्रवादी युवक कॉंग्रेस उपाध्यक्ष तथा नगरसेवक दानेश साखरे यांच्याकडे मांडली. त्यांनी प्रशासनाने या प्रकरणी लक्ष घालून तातडीने फुटलेलं तलाव बांधकाम करून द्यावा,तसेच शेतीच्या झालेल्या नुकसानीचे पंचनामे करून नुकसान भरपाई करावी अशी मागणी केली आहे.
संपूर्ण सत्तावीस एकरामध्ये पसरलेला हा तलाव, या तलावाच्या आधारे शेतीला सिंचन करण्याचेही काम केलं जातं. पावसाने दडी दिल्यास तलावाच्या आधारे शेतकरी आपली शेती पिकवतात. मात्र अर्जुनी मोरगाव तालुक्यातील बाराभाटी परिसरात झालेल्या अतिवृष्टीमुळे तलाव फुटला आणि संपूर्ण पाणी शेजारी असलेल्या भात शेतीमध्ये शिरलं यामुळे शेतकऱ्यांनी नुकताच रोवनी केलेल भात पीक संपूर्णतः नासधूस आणि सडले आहे अजूनही पाणी शेतामध्ये साचून असल्यामुळे आता दुबार रोणीचं संकट या शेतकऱ्यांवर आलेला आहे. त्यामुळे प्रशासनाने ताबडतोब पंचानामे करून मदत जाहीर करावी अशी मागणी दानेश साखरे यांनी केली आहे.