जयदुर्गा विद्यालय गौरनगर येथे हस्तकला कार्यशाळेचे आयोजन

अर्जुनी मोर :- श्री गणेश बहुउद्देशीय संस्था अर्जुनी मोर. द्वारा संचालित जयदुर्गा हायस्कूल एवं जुनि. कॉलेज गौरनगर येथे हस्तकला कार्यशाळेचे आयोजन करण्यात आले.
सुरवातीला शाळेचे प्राचार्य सुनीलकुमार पाऊलझगडे , केंद्रप्रमुख
विलास काशीवार, जिल्हा परिषद माध्यमिक शाळा कोरंबी / टोला चे मुख्याध्यापक आंबुले यांच्या हस्ते दीप प्रज्वलन करून कार्यशाळेची सुरुवात करण्यात आली.
कार्यशाळेमध्ये तापसी सरकार, मोहित विश्वास, बिंदिया मंडल यांनी विद्यार्थ्यांना कागदी पेपर पासून विविध पुष्पगुच्छ तसेच पक्षी व इतर साहित्य कसे बनवायचे याचे प्रात्यक्षिक करून दाखवले व विद्यार्थ्यांकडून विविध आकाराचे पुष्प तसेच इतर साहित्य तयार करवून घेतले.
शाळेमध्ये सांस्कृतिक स्त्रोत व प्रशिक्षण संस्था दिल्ली शी निगडित उडान सांस्कृतिक मंडळ स्थापन केलेले आहे.
उपरोक्त क्लब द्वारे आयोजित कार्यशाळेचे संचालन सांस्कृतिक क्लब प्रभारी कांतीकुमार बोरकर यांनी केले तर अनिष मंडल यांनी मान्यवरांचे आभार मानले.