बुद्धिबळ व बास्केटबॉल स्पर्धेत सरस्वती विद्यालयाच्या खेळाडूंचे सुयश

अर्जुनी/मोर: क्रीडा व युवक सेवा संचालनालय पुणे व जिल्हा क्रीडा कार्यालय गोंदिया अंतर्गत जिल्हास्तरीय बुद्धिबळ व बास्केटबॉल स्पर्धेचे आयोजन दिनांक 14 सप्टेंबर 2024 ला करण्यात आले होते. सदर स्पर्धेत वयोगट 17 वर्ष व वयोगट 19 वर्ष मुलींनी सहभाग घेतला होता. यात वर्ग 12 वीच्या विद्यार्थिनी कु. ईशा लीचडे व खुशबू पात्रीकर या विजयी ठरल्या तसेच जिल्हास्तरीय शालेय बास्केटबॉल स्पर्धेत वयोगट 17 मुलींच्या संघाने जिल्ह्यात प्रथम क्रमांक प्राप्त केला. सदर विद्यार्थिनींचे विभागीय स्तराकरिता निवड झालेली आहे. त्यांच्या यशाबद्दल शाळेचे प्राचार्य जे.डी. पठाण,उपप्रचार्या छाया घाटे,पर्यवेक्षक महेश पालीवाल व सर्व शिक्षक वृंदांनी त्यांचे अभिनंदन केले व विभागीय स्पर्धेकरिता शुभेच्छा दिल्या. तसेच त्यांना मार्गदर्शन करणाऱ्या क्रीडा शिक्षिका माधुरी पिलारे,दुर्गा शहारे यांचे सुद्धा अभिनंदन करण्यात आले.