जिल्हास्तरीय शालेय जिम्नॅस्टिक स्पर्धेचे यशस्वी आयोजन संपन्न

गोंदिया :- क्रीडा व युवक सेवा संचालनालय महाराष्ट्र राज्य पुणे, जिल्हा क्रीडा परिषद,जिल्हा क्रीडा अधिकारी कार्यालय व गोंदिया जिल्हा जिम्नॅस्टिक असोसिएशन यांच्या संयुक्त विद्यमाने (दि.6 सप्टेंबर)रोजी प्रोग्रेसिव्ह हायस्कूल चूलोद रोड गोंदिया येथे जिल्हास्तरीय शालेय जिम्नॅस्टिक्स स्पर्धेचे आयोजन करण्यात आले. सर्व खेळाचे माहेरघर असलेल्या जिम्नास्टिक या क्रीडा प्रकाराचे प्रदर्शन करताना स्पर्धकांमध्ये वेगळाच उत्साह पाहण्यास मिळत होता. यावेळी स्पर्धकांनी विविध स्पर्धात्मक कौशल्याचे प्रदर्शन करून उपस्थितांचे मन जिंकले. या स्पर्धेला जिल्ह्यातील अनेक शाळेतील स्पर्धकांनी आपला सहभाग नोंदवला. सदर स्पर्धेचे उद्घाटन जिम्नॅस्टिक असोसिएशनचे सचिव अनिल शहारे, जिल्हा क्रीडा अधिकारी राठोड, यांच्या हस्ते करण्यात आले. तर जिल्ह्यातील विविध शाळेतील क्रीडा शिक्षकांनी आपल्या स्पर्धकांना घेऊन स्पर्धेची शिस्त पाळली. त्यात प्रोग्रेसिव्ह हायस्कूलचे क्रीडा शिक्षक ज्योती पाहिरे, विवेक मंदिर हायस्कूलचे क्रीडाशिक्षक माधुरी परमार, माऊंट लिटिल झी स्कूलचे नितेश चुटे, या स्पर्धेच्या यशस्वी ते करिता क्रीडा विशेषज्ञ जनार्धन कुसराम, डोंगरगाव हायस्कूलचे एस डी खेडुलकर, सुनील चिकलोंढे आदीनी मोलाचे सहकार्य केले.