डॉक्टर बाबासाहेब आंबेडकर जयंतीनिमित्त अल्पोहाराचे वितरण

गोंदिया :- डॉक्टर बाबासाहेब आंबेडकर संशोधन व प्रशिक्षण संस्था पुणे तसेच प्रबुद्ध विनायती कल्याणकारी संस्था गोंदिया द्वारा डॉक्टर बाबासाहेब आंबेडकर जयंती दिनानिमित्त पुलाव वितरण कार्यक्रमाचे आयोजन करण्यात आले. त्या निमित्ताने समूहामध्ये उद्घाटक म्हणून संजय गणवीर जिल्हा महिला व बालविकास अधिकारी जिल्हा परिषद गोंदिया, हे होते तर अतिथी म्हणून माननीय रुपेश कुमार राऊत जिल्हा सांख्यिकी अधिकारी गोंदिया, माननीय डॉक्टर सी आर टेंभुर्णे, माननीय सिद्धार्थ मेश्राम, माननीय जनार्दन बडोले, माननीय प्रकाशजी वाघे, कुमारी निधी शहारे आदी उपस्थित होते. कार्यक्रमाचे अध्यक्ष माननीय शुद्धोधन सहारे सत्यशोधक प्रबोधनकार गोंदिया हे होते. कार्यक्रमाचे प्रास्ताविक श्रीमती निशा गणवीर सचिव प्रबुद्ध विनायती कल्याणकारी संस्था यांनी केले डॉक्टर बाबासाहेब आंबेडकरांच्या प्रतिमेला माल्यार्पण करून त्रिशरण पंचशील घेण्यात आले व डॉक्टर बाबासाहेब आंबेडकरांनी दिलेल्या 22 प्रतिज्ञांचे वितरण करण्यात आले. यावेळी एकूण अडीच हजार लोकांनी अल्पोहाराचा आस्वाद घेतला.