आकांक्षा रामटेके आदिवासी विकास हायस्कूल खजरी शाळेतून पहिली आली

आकांक्षा ला पुढे प्रशासकीय सेवेत जाण्याची अपेक्षा

सडक अर्जुनी :- तालुक्यातील ग्राम घटेगाव येथील रहिवासी कु आकांक्षा रामटेके हिने दहावी बोर्डाच्या परीक्षेत ९३.६० टक्के गुण प्राप्त करून शाळेतून पहिली आली.तिने मिळविलेल्या यशाबद्दल सौंदड निवासी समाजशील शिक्षक तथा सेवानिवृत्त मुख्याध्यापक अनिल मेश्राम यांनी ग्राम घटेगाव येथे जाऊन आईवडील यांचे उपस्थितीत केला आकांशा चा सत्कार.सत्कार निमित्त सम्राट अशोक चरीत्र, पेन गुलाबपुष्प आणि पेढे देऊन अभिनंदन केले आणि पुढील यशस्वी वाटचालीसाठी हार्दिक शुभेच्छा दिल्या. सोबत सेवानिवृत्त नायब तहसीलदार भाऊराव यावलकर सौंदड हे होते.
आकांक्षा रामटेके सोबत मेश्राम यांनी संवाद साधला असता तीने सांगितले की सध्या अकरावी बारावी विज्ञान शाखेत करून भविष्यात विज्ञान शाखेतच पदवी प्राप्त करून नंतर प्रशासकीय सेवेत जाऊन देश सेवा करण्याचा संकल्प व्यक्त केला
तीची आई गृहिणी तर वडील अल्प भूधारक शेतकरी आहेत. नियमित सहा तास अभ्यास करून मला यश संपादन करता आले.आई वडील यांची प्रेरणा माझे मुख्याध्यापक, वर्ग शिक्षक विषय शिक्षक यांचे माझ्या यशात मोठा वाटा आहे.