सेवानिवृत्त मुख्याध्यापकांचा सेवानिवृत्ती सत्कार सोहळा उत्साहात

सडक अर्जुनी :- सडक अर्जुनी तालुका मुख्याध्यापक संघाच्या वतीने सेवानिवृत्त मुख्याध्यापकांचा सेवानिवृत्ती सत्कार सोहळा
कार्यक्रमाचे आयोजन दि. 25 सप्टेंबर 2024 ला करण्यात आले .कार्यक्रमाच्या अध्यक्षस्थानी तालुका मुख्याध्यापक संघाचे अध्यक्ष राजूभाऊ हेडाऊ होते.तर प्रमुख अतिथी म्हणून संघाचे सचिव दिलीप चाटोरे व सत्कारमूर्ती सर्व सेवानिवृत्त मुख्याध्यापक होते.यावेळी
सेवानिवृत्त मुख्याध्यापक आर.एस मस्के, छत्रपती विद्यालय पांढरी, राजु हेडाऊ से. नि .प्राचार्य, जी. ई. एस. विद्यालय व ज्युनिअर कॉलेज सडक अर्जुनी, एन. आर. लंजे, से .नि.प्राचार्य, लोकसेवा विद्यालय कोसमतोंडी, आर.आर .रहांगडाले से. नि. प्राचार्य, आदिवासीं विकास हाय. व ज्युनिअर कॉलेज खजरी यांचा शाल, श्रीफळ व स्मृती चिन्ह देऊन मान्यवरांच्या हस्ते सत्कार करण्यात आला.
सेवानिवृत मुख्याध्यापकांविषयी मनोगत व्यक्त करतांना शुभदीप विद्यालयाचे मुख्याध्यापक सुरेश गहाणे, आदिवासी विकास हाई स्कूल अँड ज्युनिअर कॉलेज खजरीचे प्राचार्य डी. डी. रहांगडाले यांनी तालुका मुख्याध्यापक संघाच्या वतीने प्रातिनिधिक स्वरूपात, सेवानिवृत्त मुख्याध्यापकांनी शिक्षण क्षेत्रात केलेल्या कार्याचा आढावा घेवून आपल्या मनोगतातून त्यांच्या कार्याचा यथोचित गौरव केला.
.सेवानिवृत्त मुख्याध्यापक तसेच कार्यक्रमांचे अध्यक्ष, प्रमुख अतिथी यांनी शिक्षण क्षेत्रात काम करीत असताना आलेले बरे वाईट अनुभव, आलेल्या अडचणी व त्यावरील उपाययोजना यासंबंधी आपले मनोगत व्यक्त केले. तसेच तालुका मुख्याध्यापक संघाच्या वतीने करण्यात आलेल्या सत्कराविषयी कृतज्ञता व्यक्त केली.
कार्यक्रमांचे संचालन लिलाधर पातोडे, मुख्याध्यापक रत्नदीप विद्यालय चिखली यांनी केले तर आभार प्रदर्षण योगेश्वर दिवटे, प्राचार्य, वसंत विद्यालय व ज्युनिअर कॉलेज डोंगरगाव/ डेपो यांनी केले.
कार्यक्रम यशस्वीरित्या पार पाडण्यासाठी तालुक्यातील सर्व मुख्याध्यापक बंधू आणि भगिनी यांनी सहकार्य केले.