महा शिवपुराण सप्ताहाचे समापन

गोंदिया:- शहरातील वसंत नगर येथील भक्तिमय वातावरणात दिनांक 3 ते 11 एप्रिल दरम्यान रामनवमी व हनुमान जयंती च्या पार्श्वभूमीवर महाशिवपुराण सप्ताहाचे यशस्वी आयोजन करण्यात आले. या सप्ताहात हजारो भाविकांनी भक्तिमय वातावरणात पंडित दिवाकर शास्त्री यज्ञानिक यांनी दिलेल्या आध्यात्मिक प्रवचनात शहर व ग्रामीण भागातील भक्तांनी दैनंदिन प्रवचनात हजेरी लावून महाशिवपुराण सप्ताहाचा आस्वाद घेतला. या सप्ताहात मंडल पूजन, देवी अभिषेक, रुद्राभिषेक, दुर्गा सप्तशती पाठ व अनेक सांस्कृतिक कार्यक्रमाचे आयोजन करण्यात आले होते. या साप्ताहच्या यशस्वीतेसाठी राधे राधे महिला मंडळ , आयोजक- रवी रामटेककर मनोज अग्रवाल आदींनी अथक परिश्रम घेतले.